2020 жылдың 30 қыркүйегінде мектеп педагогтары Қостанай қ.Педагогикалық шеберлік Орталығының филиалы ұйымдастырған «Жетекші мектеп: көшбасшылық және кәсіби даму» онлайн форумына қатысты.

Форумның мақсаты жетекші және серіктес мектептердің желілік жұмысын жандандыру арқылы педагогтердің кәсіби қоғамдастықтары қызметінің ұйымдастырушылық-әдістемелік жағдайларын жасау болып табылады.

Форумның негізгі міндеттері:

— педагогтердің көшбасшылық қасиеттерін дамыту және тұрақты желілік қоғамдастықтарын қалыптастыру бойынша диалогқа жағдай жасау;

-Қостанай, Солтүстік Қазақстан және Ақмола облыстарының жетекші мектептерінің желілік қоғамдастықтарды ұйымдастырудағы және өзара іс-қимылдағы үздік тәжірибесін ұсыну;

— Қазақстан өңірлерінің білім беру ұйымдарының қатысушыларын қызметтің түрлі бағыттары бойынша желілік қоғамдастықтарға біріктіруге ықпал ету.

Форумның пленарлық отырысында № 2 мектеп-лицейінің директоры Дандыбаева Гүльфия Тулегеновна «Мектепті басқарудың сын-қатерлері және тиімді шешімдер» тақырыбымен сөз сөйледі. Ол «Шеберлік» кәсібилік академиясы форматында заманауи мектепті басқарудың инновациялық тәжірибесімен таныстырды.

Форумның «Әлемнің үздік мектептерінің кейсі: мектепті, сыныпты, өзін басқару», «Ұжымдық қызметті ұйымдастыру кезінде agile-тәсілді және scrum-технологияларды қолдану», «Жетекші мектептердің жұмысында мұғалімдердің кәсіби дамуын қолдау стратегиясы «Опций» Моделі практикалық алаңдары қызықты және пайдалы болды.

1  қазан 2020

Комментарии

Комментариев пока нет, будьте первым.