Қазақстан Республикасы Цифрлық даму, инновациялар және аэроғарыш өнеркәсібі министрлігі (бұдан әрі – Министрлік) 2020 жылғы 29 қазандағы.
ҚР аумағында коронавирустық инфекцияның пайда болуы мен таралуына жол бермеу жөніндегі шаралар бойынша ведомствоаралық комиссия отырысының 5,3 тармағына сәйкес, Министрлікпен ҚР Денсаулық сақтау министрлігі коронавирустық инфекцияның таралуын бақылау және жұқтыру ошақтарын уақтылы оқшаулау мақсатында «Saqbol» мобильді қосымшасын ұсынды.

«Saqbol» мобильдік қосымшасы функциясын іске қосу арқылы COVID-19 үшін оң нәтиже көрсеткен азаматқа соңғы 14 тәулік бойы екі метрден аз қашықтықта және 15 минуттан астам уақыт ішінде қосымшаның басқа пайдаланушыларымен байланысы туралы жасырын түрде ескертуге мүмкіндік береді. Басқа құрылғылармен өзара іс-қимыл жазбаларын сақтау үлгісі шифрланған болады. «Saqbol» қосымшасын қолдануға, біріншіден смартфонға жүктеп, одан кейін шифрланған деректер берілетін Bluetooth функциясын қосу керек. Қосымша IOS және Android платформаларында қолжетімді.

Министрлік, коронавирустық инфекцияның пайда болуы мен таралуына жол бермеу мақсатында «Saqbol» мобильдік қосымшасының жарнамасын аялдама, қоғамдық көліктерде, аурухана, мектеп, метро, әуежай, теміржол,
сауда-орталықтарында, сауда базарларында, асханалар желісінде, моншалар, сұлулық салондарында және т.б. қоғамдық орындарда билборд, брошюра, плакат ретінде халық арасында кеңінен насихаттауына ат салысуды сұрайды.

Комментарии

Комментариев пока нет, будьте первым.