Ғылым күні- « Туризм» секциясы

15 ақпанда мектепте Ғылым күні өтті. Алаңдардың біріне «Туризм» секциясы арналды.

Алаң жұмысын ұйымдастыруға БӘД жетекшісі Ж. Қайырғали және туризммен айналысатын туристік жарыстардан тәжірибесі бар автожол колледжінің 1-2 курс студенттері қатысты.

Секция жұмысының мақсаты оқушыларды туристік қызметке тарту, туған өлкені зерттеу үшін демонстрациялық алаң құру болды.

Сабақ белсенді, танымды, қызықты өтті. Балалар жорықтық рюкзактың жүгін, туристік тораптардың дұрыс және тез байлануын сезініп , туристік құрал-жабдықтардың көмегімен шағын биіктікке көтерілу, жергілікті жерде қол сағаты бойынша бағдарлау тәсілдерін білу мүмкіндігіне ие болды.